Shërbimi Spitalor dhe Klinik Universitar i Kosovës (ShSKUK) ka sqaruar se shërbimet e dializës po vazhdojnë normalisht, përkundër informatave të përhapura në media.

ShSKUK thotë se ka materiale të mjaftueshme për zhvillimin e seancave dhe nuk ka pasur asnjë vonesë në ofrimin e shërbimeve.

“Shërbimi Spitalor dhe Klinik Universitar i Kosovës, për shkak të informatave të ndryshme, në shumë raste të pa verifikuara, sqaron se Shërbimet e dializës nuk janë ndalur, pacientët po e marrin trajtimin e tyre të rregullt, në QKUK, por edhe spitalet e përgjithshme. Për momentin, ka material të mjaftueshëm për zhvillimin e seancave dhe nuk ka pasur asnjë vonesë në ofrimin e shërbimeve. ShSKUK, ka ndërmarrë të gjitha veprimet e nevojshme që furnizimi të stabilizohet plotësisht”, thuhet në njoftim./Arbresh.info